Lög Miðgarðsorms

1. grein

Félagið heitir "Miðgarðsormur". Heimili þess og varnarþing er í Reykjavík.

2. grein

Allir starfsmenn Svæðisskrifstofunnar eru félagsmenn í starfsmannafélaginu nema þeir óski ekki eftir því. Hætti félagsmaður störfum hjá Svæðisskrifstofunni missir hann félagsréttindi sín frá sama tíma en láti félagsmaður af störfum sökum aldurs eða veikinda heldur hann félagsréttindum sínum.

3. grein

Tilgangur félagsins er að efla félagslíf og kynningu félagsmanna með skemmtiferðum, skemmtunum, íþróttaiðkunum og beita sér fyrir hverskonar menningar og fræðslustarfsemi, sem félagsmönnum má að gagni verða.
 

4. grein

Stjórn félagsins, sem kosin er á aðalfundi, skipa 5 menn, formaður, gjaldkeri, ritari og meðstjórnendur. Formaður skal kosinn sérstaklega til eins árs í senn. Aðrir stjórnarmenn skuli kosnir tveir í einu til tveggja ára, og ganga árlega tveir úr stjórn á víxl. Verði sitjandi stjórnarmaður kosinn formaður skal kjósa mann í hans stað.
Stjórnin skiptir með sér verkum, og kýs ritara, gjaldkera og varaformann.

Skoðunarmenn reikninga félagsins eru 2, kosnir á aðalfundi til eins árs í senn. 
 

5. grein

Stjórnin fer með mál félagsins á milli aðalfunda og er henni heimilt að skipa menn sér til aðstoðar til starfa í þágu félagsins. Er félagsmönnum óheimilt að skorast undan störfum nema um lögleg forföll sé að ræða.

Félagsmenn greiða ekki félagsgjöld, en ef verkefni félagsins hafa kostnað í för með sér skal hvert verkefni fjármagnast sérstaklega.

Óheimilt er með öllu að aðrir en stjórn félagsins geti ráðstafað fjármunum þess. Nefndir sem starfa á vegum félagsins skuli leita eftir samþykki stjórnar félagsins til ráðstöfunar á fjármunum.
 
 

6. grein

Aðalfund félagsins skal halda í janúar ár hvert. Til hans skal boða með a.m.k. 10 daga fyrirvara með auglýsingu á heimasíðu Svæðisskrifstofunnar. Aðalfundur er lögmætur ef löglega er til hans boðað.
 

7. grein

Aðalfundi stjórnar sérstakur fundarstjóri, sem skipar fundarritara. Dagskrá aðalfundar skal vera sem hér segir:

1. Fundarsetning
2. Skýrsla stjórnar
3. Reikningar félagsins
4. Lagabreytingar
5. Kosningar
6. Önnur mál

Reikningsár félagsins er það sama og starfsár þess, skal það vera frá 1. janúar til 31 .desember.
 

8. grein

Stjórnin heldur félagsfundi svo oft sem henni þurfa þykir. Skylt er stjórninni að boða til aukafunda, ef skrifleg ósk kemur um það frá eigi færri en 20 félagsmönnum. Slíkir fundir skulu auglýstir með 5 daga fyrirvara á heimasíðu Svæðisskrifstofunnar.
Dagskrá fundarins skal tekin fram í auglýsingunni.
 

9. grein

Aðalfundur félagsins getur ákveðið að slíta félaginu, enda sé slík ákvörðun samþykkt með 3/4 hlutum félagsmanna, og það sé sérstaklega tekið fram í fundarboðinu, að taka eigi slíka ákvörðun. 
 

10. grein

Líði félagið undir lok, skulu eignir þess ef einhverjar eru renna til líknarfélaga eftir ákvörðun stjórnarinnar.
 

11. grein

 Lögum þessum má aðeins breyta á löglegum aðalfundi með meiri hluta atkvæða.