Siðareglur Svæðisskrifstofa
Starfsmaður leitast við í starfi sínu:
-
Að sýna fötluðu fólki virðingu og virkja það til að móta líf sitt.
-
Að veita þjónustu og stuðning af ábyrgð og nærgætni með velferð fatlaðs fólks að leiðarljósi.
-
Að virða einkalíf fatlaðs fólks og halda þagnarskyldu.
-
Að sýna fötluðu fólki kurteisi, virðingu og heiðarleika í viðmóti og umræðu.
-
Að stuðla að lífsskilyrðum og umhverfi sem tekur mið af lífaldri fatlaðs fólks og hvetur til sjálfstæðis.
-
Að mismuna ekki fötluðu fólki t.d. vegna aldurs, fötlunar, kyns, kynþáttar, kynhneigðar, þjóðernis, trúarbragða eða skoðana.
-
Að vera fötluðu fólki jákvæð og góð fyrirmynd.
-
Að sýna aðstandendum kurteisi, virðingu og heiðarleika í viðmóti og umræðu.
-
Að stuðla að því með starfi sínu að efla virðingu fyrir fötluðu fólki í samfélaginu.
-
Að veita fötluðu fólki stuðning til að fá vel metin og eftirsóknarverð hlutverk í samfélaginu.
-
Að tileinka sér vönduð vinnubrögð og stundvísi.
-
Að þekkja réttindi fatlaðs fólks og vinna samkvæmt gildandi lögum þar um.
-
Að sýna samstarfsfólki kurteisi, virðingu, trúnað og heiðarleika í viðmóti og umræðu og styðja og styrkja hvert annað í starfi.
-
Að mismuna ekki samstarfsfólki t.d. vegna kyns, kynþáttar, kynhneigðar, aldurs, fötlunar, þjóðernis, trúarbragða eða skoðana og að leggja ekki hvert annað í einelti.
-
Að leita sér upplýsinga, menntunar/endurmenntunar og fræðslu til að ná árangri í starfi og vera tilbúinn að miðla þekkingu.
-
Að virða þagnarskyldu og sýna vinnuveitanda trúnað. Þagnarskylda helst eftir að störfum er lokið.
Ítarefni Siðareglna