Umhverfisstefna SSR var undirbúin af verkefnahópi sem í voru eftirtaldir forstöðumenn: Guðrún Dagný Pétursdóttir, Guðmundur Már Björgvinsson, Friðrik Atlason, Harpa María Petersen og Þóroddur Þórarinsson. Á haustfundi SSR sem haldinn var 11. nóvember 2009 á Hótel Örk í Hveragerði var tillaga að umhverfisstefnunni kynnt og áhersluatriði unnin frekar í hópavinnu.

Umhverfisstefna SSR

Svæðisskrifstofa málefna fatlaðra í Reykjavík (SSR) er ríkisstofnun sem gegnir margþættu hlutverki í þjónustu við fötluð börn og fullorðna (sbr. lög um málefni fatlaðra nr. 59/1992). Meðal verkefna SSR er rekstur búsetuþjónustu, dagþjónustu og skammtímavistunar fyrir fatlaða.  Markmið umhverfisstefnu SSR eru:

• Að standa vörð um náttúru landsins
• Að starfsemi SSR hafi sem minnst skaðleg áhrif á umhverfi sitt
• Að SSR sé til fyrirmyndar í umhverfismálum
• Að SSR leggi sitt að mörkum í sjálfbærri þróun með framtíðina í huga

Megináherslur í umhverfisstefnu SSR eru:

• Að halda orkunotkun í lágmarki
• Að ástunda umhverfisvæn innkaup
• Að halda úrgangi í lágmarki – auka endurvinnslu
• Að ástunda umhverfisvænar samgöngur og fundi
• Að efla umhverfisvitund með fræðslu

SSR leggur áherslu á eftirfarandi leiðir til að ná markmiðum umhverfisstefnunnar:

Halda orkunotkun í lágmarki

SSR kappkostar að nota ekki meiri orku en nauðsynlegt er í starfsemi sinni. Meðal áhersluatriða hjá SSR er:

• Að gengið sé úr skugga um í lok hvers starfsdags að slökkt hafi verið á öllum ljósritunarvélum, prenturum og öðrum tækjum
• Nota sparperur í stað glópera
• Að ástunda fyrirbyggjandi viðhald
• Að fullnýta þvottavélar/þurrkara
• Að kaupa orkuvæn tæki

Mælikvarðar – Umhverfisvísar

• Minni orkunotkun – lækkun orkureikninga

Ástunda umhverfisvæn innkaup.

SSR stundar umhverfisvæn innkaup að því marki sem slíkt er gerlegt með hliðsjón af gæðum og kostnaði. Með það að viðmiði leitast SSR við:

• Að keyptar verði umhverfismerktar vörur; pappír, prenthylki, hreingerningarvörur ofl.
• Að forðast sé að keyptar verði vörur sem unnar eru úr efniviði sjaldgæfra tegunda
• Að forðast sé að nota vörur sem innihalda lífræn leysiefni, þar sem þau eru skaðleg umhverfi og heilsu manna
• Að keypt verði orkusparandi tæki

Mælikvarðar – Umhverfisvísar:

• Minni úrgangur
• Lækkun rafmagnsnotkunar

Halda úrgangi í lágmarki – auka endurvinnslu

SSR leitast við að sem minnstur úrgangur leggist til af starfseminni. Meðal áhersluatriða er:

• Að ljósrita báðum megin á pappír eins og hægt er, og að endurnota pappír sem eingöngu er búið að prenta á öðrum megin
• Að safna öllum endurvinnanlegum pappír saman og skila í endurvinnslu
• Að nota upplýsingar á rafrænu formi og draga úr útprentun
• Að draga úr notkun hreingerningaefna og nýta örtrefjatækni við þrif  
• Að safna dósum og endurvinnanlegum drykkjarumbúðum og skila til endurvinnslu
• Að nota blaðakassa til að safna blöðum sem fara eiga í endurvinnslu
• Að skipuleggja innkaup með lágmörkun úrgangs í huga

Mælikvarðar - Umhverfisvísar

• Minna sorp – færri ruslatunnur
• Telja fjölda kassa sem fer í endurvinnslu
• Halda til haga fjölda dósa og flaskna sem fer í endurvinnslu

Ástunda umhverfisvænar samgöngur og fundi

SSR leitast við að flutningur á fólki og vörum sé ekki meiri en nauðsyn krefur.  Áhersluatriði eru:

• Að hvetja starfsfólk til að samnýta bíla
• Að taka þátt í átökum um umhverfisvænar samgöngur
• Að staðsetja fundi með tilliti til ferða fundarmanna
• Að halda netfundi þar sem það er hægt
• Að leita leiða til að kolefnisjafna akstur tengdan starfsemi SSR

Mælikvarðar – Umhverfisvísar

• Fjöldi ekinna kílómetra
• Fjöldi þátttakenda í samgönguátökum
• Fjöldi netfunda

Efla umhverfisvitund með fræðslu

Þekking og skilningur á umhverfismálum er forsenda ábyrgðar í umgengni við umhverfið. SSR vill stuðla að umhverfisvitund með því:

• Að kynna umhverfisstefnu sína og gera hana öllum aðgengilega
• Að stofna umhverfisnefnd og efna til Umhverfisverðlauna SSR
• Að hafa umhverfismál meðal fastra fræðslutilboða starfsfólks
• Að setja viðmið tengd umhverfisvernd í almennt verklag t.d. með gátlistum

Mælikvarðar – Umhverfisvísar:

• Fjöldi umhverfistengdra atriða í starfsáætlunum
• Fjöldi þátttakenda á umhverfistengdum námskeiðum
• Fjöldi umhverfistengdra atriða í sjálfsmati